Saturday, 25 February 2012

gazal 1

meri nigaah e shauq kul beasar to nahi
gaafil wo sahi,hum bhi muassar to nahi

royenge aur wo bhi boot e sangdil pe
neemimaan sahi magar is qadar to nahi

kaise laayein hum unpar qatl ka ilzaam
unki nigaah duniyabi khanjar to nahi

piyenge ab kabhi na us nigaah se
aur jo ho,wo saaqi e kausar to nahi

inkaar hi sahi,ruswai to zaruri na thi
marte araam se,bante yun khabar to nahi

khud apne qaari e haal hone se rote ho kyun Faiz
haal majnoon tha tumse bahtar to nahi

1 comment:

Beenish said...

Beautiful.......... isse zyada kuchh nahi kah sakte :)